عذراً أيها التلفزيون السوري !!!!!!!

بسم الله الرحمن الرحيم

سوق الحميدية

عذراً أيه التلفزيون السوري :

أي مواطن بأي دولة بيتمنى من الأعلام الحكومي أنوا يحصل على الخبر الصحيح بدون أي  تسيس أو مزاودة لانوا الأعلام الخاص معروف أنه منشأ لأهداف خاصة يعني الجزيرة ولا العربية ولا أي قناة تانية ألها أهداف محددة يعني ما عما يدفع أصحاب هذه القنوات المصاري هيك ولا منشانك و منشاني  .

المهم منرجع للموضوعنا من يومين فتحت التلفزيون السوري وأذا عما يصوروا بسوق الحميدية أنوا الشغل عادي بالعكس أنوا الشغل أحسن من الأول وأنوا الأوضاع عادية وما بعرف شو والذي منوا وباللحظة هيه  خطر بالي وقت أعلن التلفزيون الياباني الحكومي مؤخراً أنه الزلازل الذي ضرب المفاعل النووي سبب مشكلة قد تكون خطيرة متل كارثة تشرنوبل وما ضحك على الشعب الياباني وحطهم بصورة الأمر الواقع تماماً منشان ياخذوا احتياطات

يعني بدي قول أنوا المقطع اللي شفنا على التلفزيون السوري ما بيخدم حدا لا مؤيد ولا معارض

لو أجينا على وجهة نظر المؤيد عصابات مسلح تقتل وتروع المواطنين بدوا بصير كل مواطن سوري أي مواطن يطلع على شغله ومن شغله على بيته حتى ينتهي الجيش والأمن من هذه العصابات بعدين بيرجع الوضع متل ما كان.

أما وجهة نظر المعارض أنوا المظاهرات سلمية وقوى الأمن عما تضرب المتظاهرين فكمان وقته أي شخص يا أما لح يتظاهر أو يقعد بيته وما يتسيران ويتسوق ويروح على سوق الحميدية .

وأخيراً متى سنصل إلى لحظة يكون فيها أعلامنا بالدول العربية واعي

ومصلحته الأولى مصلحة المواطن ؟

نأخذ المعلومات الصحيحة منه حصراً !!!!!!!!!!!

ولا يبقى هذه الأعلام فقط من أجل مسابقات الدراسة والتوظيف

ومفاضلة ونتائج الشهادات

متى ؟؟؟

ومتى ؟؟؟

وبالنهاية اللهم أحفظ سوريا

قيم التدوينة :

أقرأ أيضاً :

• ما هي أفضل قناة في تغطية الأحداث الأخيرة في سورية
• تطور العلم الســــــــــــــــــــــــــــــــوري عبر التاريخ
• مدينة داريا مدينتي تعريف بـــــــــــــــــــــــــــــــــــــها
• مدينة أول موقع أســــــــــــــــلامي للتواصل الأجتماعي